હૃદયપૂર્વક આભાર –

બ્લોગ જગતમાં પ્રવેશ કર્યાનું વર્ષ પુરુ થયું.

૨૮ એપ્રીલ ૨૦૧૨ ના રોજ પ્રથમ પ્રયાસ

https://bestbonding.wordpress.com/2012/04/28/life-cycle-6-2/

Lifecycle

રીટાયર્ડમેન્ટ પછી થોડી સામાજીક જવાબદારીઓ પુર્ણ કર્યા, બાદ એકાદ વર્ષ એક સંબંધીને કમ્પનીની સ્થાપના અને ધંધાને પાટે ચડાવવામાં મદદ કરી. પણ પછી થયું કે હવે શક્ય એટલી ‘દોરીઓ’ છોડી નાખી સ્વતંત્ર રહેવું અને મરજી મુજબ પ્રવૃતિમાં સમય પસાર કરવો. કોમ્પ્યુટરનો પરિચય તો છેક ૧૯૭૩ થી, પણ વધારે ઉંડાણથી તેમાં ૧૯૮૫/૮૬ માં ઉતરવાનું થયું. ઇન્ટરનેટનો પરિચય તો લગભગ ૨૦૦૧/૨ માં થયો. ૨૦૦૬/૭માં www.ssindia.org (Shanti Sansthan) પણ ઇન્ટરનેટ પર મુકી. એકાદ વર્ષમાં બંધ પણ કરી. પણ ઇન્ટરનેટનો કીડો સળવળતો બંધ ન થાય. જાત જાતની વેબ સાઈટસ અને માહીતીના મહાસાગરમાં આળોટતો રહ્યો. આ તો માહિતી કહેવાય, તે જ્ઞાનમાં પરિવર્તિત ન થાય તે તો અર્થહીન. માહિતી તો પ્રેક્ટીશમાં ન આવે, ચકાસણીમાંથી પસાર ન થાય તો માહિતી, માહિતી જ રહે, અર્થહીન માનસિક કચરો. વિચારતા વિચારતા ઉપાય તરીકે લાગ્યું કે જો  તેને મિત્રો સમક્ષ મુકીએ તો ચર્ચા થાય, ચડભડ થાય, ચડસાચડસી થાય તો, માહિતી ચર્ચાની એરણ પણ ચડીને જ્ઞાનમાં પરિવર્તિત થાય. કચરાનું કંચન બની જાય.

ઇન્ટરનેટની રજળપાટમાં અક્ષરનાદ પર જઈ ચડ્યો.

જોકે પ્રથમ લેખ અક્ષરનાદ પર ૧૨ ફેબ્રુઆરી ૨૦૧૨ના અપલોડ થયેલો –

“તમે સંબંધોને નજીકથી નિહાળ્યા છે ?”

http://aksharnaad.com/2012/02/15/relations/

પછી – ૨૮/૨, ૩૧/૩, ૧૨/૪ એમ અન્ય ત્રણ લખાણો મુકાયા.

પછી તો લખવાનું વધતું ચાલ્યુ, પણ પોસ્ટ અપલોડ થવામાં સમયગાળો વધતો લાગ્યો, કારણ કે એ લોકોને હું મેન્યુસ્ક્રીપ્ટ મોકલતો, તેનું ટાઈપીગ અને જોડાણી સુધાર વગેરેમાં સમય જતો. છતાં જીગ્નેશભાઈએ એક મેઈલમાં તો લખી નાખ્યું કે તમારા માટે રવિવાર ફાળવી દઈશ. આ એમનું પ્રોત્સાહન, જીવનભર યાદ રહેશે. પછી તો ટાઈપીંગ શીખ્યો અને ધીમે ધીમે બ્લોગ બનાવ્યો.

પછીની સફરના તો તમે સૌ સાક્ષી છો.

‘અનુક્રમણીકા’ કઈ રીતે માથુ દુખાડી શકાય તેનું લીસ્ટ છે, જો કે તેમાંથી તમને દવા પણ મળે તો મારા સદનસીબ.

ફરીથી બ્લોગ ફોલો કરનારા મિત્રો, અને ઇ-મેઈલથી ફોલો કરનારા, ફેઈસબુક પરનામિત્રો, તેમજ સર્ચ એન્જીન કે અન્ય બ્લોગ પરની મારા બ્લોગની લિન્ક પરથી આવતા સર્વ મિત્રોનો હૃદયપુર્વક આભાર માનું છું

Advertisements

20 comments on “હૃદયપૂર્વક આભાર –

  1. Vinod R. Patel કહે છે:

    ડો . જગદીશભાઈ ,

    આપનો બ્લોગ એક વર્ષ પૂરું કરી બીજા વર્ષમાં પ્રવેશ કરે છે એ પ્રસંગે અનેક શુભેચ્છાઓ .

    તમો બ્લોગના માધ્યમથી જે સત્વશીલ સાહિત્ય પીરસી રહ્યા છો એ આસ્વાદ્ય હોય છે .

    બ્લોગ એ જોવા જઈએ તો બ્લોગરનું માનસિક બાળક હોય છે અને જેમ જેમ એ પ્રગતી

    કરતું રહે એમ એને જોઇને એક પિતા આનંદ અને ગૌરવની લાગણી અનુભવે છે .

    આ લેખના મથાળે મુકેલો બડ ,બ્લૂમ અને એન્ડનો ફોટો અને એમાં છુપાયેલ મુક સંદેશ ગમ્યો .

    માનવ જીવનની પણ એવી જ ગતિ હોય છે .બાળપણ, યુવાની ,ઘડપણ અને એન્ડ- મૃત્યુ !

    Like

  2. સુરેશ જાની કહે છે:

    તમારો નવો દીકરો એક વરસનો થયો. એને હેપી બર્થ ડે.

    Like

  3. jjkishor કહે છે:

    અભિનંદન. શુભેચ્છાઓ અને આભાર (ઘણું પીરસવા માટે)

    Like

  4. વર્તમાન વાતાવરણમાં વીચાર શક્તીના સંબંધને એક વરસ પુર્ણ થયું તેનો આનન્દ–અભીનન્દન… મારા અંતરથી શુભેચ્છાઓ…

    Like

  5. યમ્મી બર્થડે ટુ બ્લોગ 😉

    ચાલો હવે નાસ્તો પાણી કરીને જ જઈશું ; રાજકોટવાળા છીએને 😀

    Like

    • jagdish48 કહે છે:

      ફિલ્મુમાંથી નવરો થ્યો લાગસ,
      કોક દી’ તો સુરતના પણ, કાઠીયાવાડી ગાંઠીયા ખાવા આવતો જા, લાબેલાને ભુલી જઈશ.
      મોજ આવશે.
      🙂

      Like

      • ગાંઠીયાને તો ઇન્દ્રને પણ દુર્લભ છે અને ફિલ્મોમાંથી તો રામ જાણે , કે દી . . . 😉

        થેન્ક્સ “દાદા” [ અંકલ કહેવાની મજા નથી આવતી ] આમંત્રણ બદલ . . મેં તો હજુ નથી આપ્યું પણ તમે બે ત્રણ વાર આપી દીધું . . એક દિવસ જરૂર મળીશું 🙂

        Like

  6. yuvrajjadeja કહે છે:

    ખુબ ખુબ શુભેચ્છાઓ ! લેટ્સ એન્જોય એન્ડ સેલીબ્રેટ ! તમે ત્યાં કરો અને હું અહિયાં સેલીબ્રેટ કરીશ કેક ખાઈ ને ! વ્હોટ એ કો – ઇન્સીડન્સ , આજે જ શ્રીમતીજી કેક બનાવી રહ્યા છે , રાત સુધીમાં તૈયાર થઇ જશે, 🙂 તમારે પણ કેક નો સ્વાદ લેવો હોય તો મારે ત્યાં આવવું પડશે

    Like

  7. hiranyavyas કહે છે:

    અભિનંદન સમય અને અવકાશ નો સર્જનાત્મક ઉપયોગ મહત્વની બાબત ગણાય If you can spend perfectly useless afternoon in a perfectly useless manner than you have learnt how to live…LIN UTANG. માહિતી રીસોર્સ છે જ્ઞાન પરિવર્ત્ન છે અને ડહાપણ એ સ્વયં સાક્ષાત્કાર એ ખો ચાલુ રહે એ જ શુભેચ્છા.

    Like

    • jagdish48 કહે છે:

      “જ્ઞાન પરિવર્ત્ન છે અને ડહાપણ એ સ્વયં સાક્ષાત્કાર એ ખો ચાલુ રહે એ જ શુભેચ્છા.”
      જ્ઞાન અને ડહાપણનો ભેદ ગમ્યો, દુનિયાદારીનું જ્ઞાન – ડહાપણ.
      આભાર.

      Like

  8. અભિનંદન વડીલ ! અમારે અહી સુધી પહોંચવામાં મોડું-વહેલું થતું હશે પણ આપને વાંચવા ચોક્કસ આવતા રહીએ છીએ. બસ, તમે લખતા રહેજો… વિસ્તરતા રહેજો..

    Like

    • jagdish48 કહે છે:

      અમારુંય એવું ગણાય. કોકવાર ‘વોક’ પર ન પણ જવાય. ચાલ્યા કરે !
      આવો તો આનાંદ થાય અને લાગે અમારોય બગીચો હર્યોભર્યો છે અને ‘માળી’ પોરહ ચડાવવા આવે-જાય છે. 🙂

      Like

  9. અમિત પટેલ કહે છે:

    ખુબ ખુબ અભિનંદન !!! તમારા અનુભવ, વિચારો અને સંશોધનનો લાભ વર્તમાન અને ભવિષ્યની પેઢીને મદદ રૂપ રહેશે.

    Like

    • jagdish48 કહે છે:

      લગભગ દરેક પોસ્ટમાં તારું ‘લાઈક’નું માર્ક જોઊં છું. એકાદ વખત કોમેન્ટસમાં પણ મળ્યા. વારંવાર વિચારોની આપ-લે થશે તો આનંદ આવશે. લખતી વખતે યુવાનો જ નજર સમક્ષ રહે છે.
      આભાર.

      Like

  10. Jignesh Adhyaru કહે છે:

    પોતે પ્રેરણા શોધતો માણસ કોઈકને પ્રેરણા પૂરી પાડવા માટે માધ્યમ બની શકે એ વાત જ કેટલી સુખરૂપ અને આહલાદક છે !

    અક્ષરનાદ આવી ઘણી શરૂઆતોમાં પાયાનો પથ્થર બની શકે છે એ વાતનો મને ખૂબ હરખ છે અને આપની કલમથી માનવજીવનના અનેક નાજુક તાણાવાણાઓ વિશે અગત્યની અને જાણવાજેવી વાતો અવતરે છે એ જ વાત મને ત્યારે ખૂબ સ્પર્શી ગઈ હતી, તે પછી આપના સતત મળતા લેખો આપની ધગશ અને ઉત્સાહના સૂચક હતા, આપના લેખો મૂકવાનો શક્ય પ્રયત્ન કર્યો, એ પછી આપનો પોતાનો બ્લોગ આ કામ સુપેરે કરી રહ્યો છે એ વાત જાણીને હૈયાને ખૂબ આનંદ થયો,

    સમય ક્યાં વીતતો જાય છે એ વાતનો અહેસાસ આવા માઈલસ્ટોન વખતે જ થાય છે, આપના બ્લોગને એક વર્ષ પૂર્ણ થયું એ ખરેખર સુંદર ઘટના છે, ગુજરાતી બ્લોગજગતે બહુ ઓછા એવા બ્લોગ જોયા છે જે કોઈ એક પ્રમુખ વિષયવસ્તુને સમર્પિત હોય, આપનો બ્લોગ એ કારણે અને આપના લખાણની વિશેષતાને કારણે અવશ્ય અગ્રસ્થાને બિરાજશે એમાં શંકા નથી.

    આપને ખૂબ ખૂબ અભિનંદન અને આપની કલમને પ્રણામ

    જીજ્ઞેશ અધ્યારૂ

    Like

    • jagdish48 કહે છે:

      જીજ્ઞેશભાઈ,
      આભાર,
      મારા પ્રથમ લેખ વખતે મળેલા આપના ઇ-મેઈલના શબ્દો અને આજની કોમેન્ટના શબ્દો, આપ સૌ અન્ય મિત્રોની પ્રેરણા મને લખવા માટે અને લખવા માટે વાંચવાનું બળ પુરુ પાડે છે. બ્લોગ જગતના મિત્રોનો પ્રેમ મારા માટે કુદરતની કૃપા સમાન છે.

      Like

આપનું અમુલ્ય મંતવ્ય આપશો ?

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s