ખોડંગાતા સંબંધો –

હમણા એક મિત્ર સાથે મારે ત્યાં શરુ કરેલું કામ પુરુ કરવા માટે વાત થઈ અને જવાબ –

‘શું કરું જોશીભાઈ, કારીગરની માથાકુટ છે. દિવાળી વખતે લગન કરવા રજાઓ પાડતો હતો અને હવે છુટાછેડા લેવા માટે રજાઓ પાડે છે.’

બોલો ! હજુ તો નામ-સરનામાની જ જાણકારી મળી હશે, ઓળખવાનું તો બાકી હશે ત્યાં, બે મહીનામાં કેસ છુટાછેડા સુધી પહોંચી ગયો. આ સંબંધ કેવો ? કેવી રીતે બંધાયો ? મેં વધારે વિગતો મેળવી.

કારીગરે લગ્નની ઉંમર વટાવી દીધી હતી. શરુઆત રાજ્યની બહાર કામ કરતો એથી સંબંધ થતો ન હતો. નોકરી છોડી ગુજરાતમાં આવ્યો, પણ શહેરમાં ઘર ન હતું એથી ગોઠવાતુ ન હતું, એનું સેટીંગ કર્યું. એના જેવી જ ઉમર વટાવી ચુકેલ કન્યા મળી, પણ પિતા-ભાઈ ન હોવાને કારણે નોકરી કરી મા અને એક બહેનનું પુરુ કરતી કન્યા મળી. હવે વિચારો બેઉ પક્ષે કેટલા એડજસ્ટમેન્ટ કરવાના થાય ? યુવાનના અભણ માબાપ સાથે યુવતીએ ગોઠવાવાનું, બહેન અને મા તરફ્ની જવાબદારી મનમાં રહે તેથી તે તરફ પણ ખેંચાવાનું, નોકરી નહીં કરવાની એથી બહારના વાતાવરણનો સંપર્ક તુટી જાય. યુવકને પણ તેના માબાપની જવાબદારી, એથી એણે પણ તેમનું સાચવવાનું. આવા સમયે તો વડીલોની જવાબદારી વધી જાય. પણ વડીલોની દલીલ કેવી ? અમારે સમાજમાં રહેવાનું કે નહી ?

વડીલોની મોટામાંમોટી ગેરસમજ (Misconception) શું ? સમાજના નિયમો. પણ નિયમો અને કાયદા વચ્ચેનો ભેદ વડીલો ભુલી જાય છે. નિયમો એટલે વ્યક્તિએ કોઈક પરિસ્થિતિમાં શું કરવું હિતાવહ છે એનું સામાન્ય તારણ, માર્ગદર્શન છે, જ્યારે કાયદો એ પથ્થરની લકીરની જેમ – જે નિયમ છે તેનું ઉલ્લંઘન ન કરી શકાય, જો કરવામાં આવે તો શિક્ષા થાય, એવો જડ છે. નિયમ ફ્લેક્સીબલ છે. એમાં બાંધછોડ શક્ય છે અને જરુર જણાય ત્યાં કરવી પણ જોઈએ. સમાજના ‘નિયમો’ને વડીલોએ સમાજના ‘કાયદા’ બનાવી દીધા છે, અને તેથી જ પ્રશ્નો ઉભા થાય છે.

અમારા ઘરના વહુવારુ નોકરી કરે ? સમાજમાં અમારી ઇજ્જતનું શું ?

અરે ! પણ પહેલાના જમાનામાં સ્ત્રીઓ નોકરી ન કરતી કારણ કે ઘરની જવાબદારી અને કામમાંથી જ તેને સમય મળતો ન હતો અને આજે મળતી લક્ઝરી પણ ત્યારે ઉપલબ્ધ ન હતી. આથી ખર્ચ પણ ન હતો. આજે રસોઈ માટે સમય બચાવતા સાધનો મળે છે આથી સમય પણ બચે છે અને શક્તિ પણ. સામાન્ય લક્ઝરી મેળવવાનો ખર્ચ પણ વધ્યો છે તો આવી પરિસ્થિતિમાં સ્ત્રીઓ નોકરી કરે તો ખોટું શું ?

ખોડંગાતા સંબંધોમાં મુખ્ય કારણ ‘ગેરસમજ’ (Misconception) છે.

(આ તો ત્વરીત પ્રતિભાવ છે. ખોડંગાતા સંબંધોની પિષ્ટપેષણ તો બાકી 🙂 )

Advertisements

12 comments on “ખોડંગાતા સંબંધો –

  1. Vinod R. Patel કહે છે:

    આપની સંબંધો ઉપર લખાતી આ લેખ શ્રેણી રસસ્પદ અને મનનીય છે . વધુ તો એ અનુભવ આધારિત હોય છે એટલે વાંચવાની પકડ રહે છે .

    ખોડંગાતા સંબંધોમાં મુખ્ય કારણ ‘ગેરસમજ’ તો ખરી જ પરંતુ અહંકાર પણ એટલું જ મહત્વનું કારણ હોય છે .

    દરેક સંબંધ બગડવાના મૂળમાં માણસનો અહંકાર કામ કરતો હોય છે . જીવનમાં બધું છૂટી જાય ત્યારે પણ આ સૂક્ષ્મ અહંકારમાંથી છુટકારો થતો નથી .

    દુર્યોધનના અહંકારથી કુટુંબના સંબંધો બગડ્યા ,દુશ્મનાવટમા પરિણમ્યા અને એમાંથી આખું મહાભારત રચાઈ ગયું . શ્રી કૃષ્ણ ભગવાનની સમજાવટ પણ કામ ન આવી શકી .

    સંબંધો જાળવી રાખવા અને વિકસાવવા માટે પ્રેમ સંબંધ સૌથી અગત્યનો સંબંધ છે .

    કબીરે પણ એનાં દોહામાં કહ્યું છે કે સબ સે ઉંચી પ્રેમ સગાઇ

    “They do not love that do not show their love.”

    William Shakespeare

    Like

  2. yuvrajjadeja કહે છે:

    સૌથી વધુ ગમેલી વાત – ” નિયમો અને કાયદા વચ્ચેનો ભેદ વડીલો ભુલી જાય છે” – એ ગુડ ઓબ્ઝર્વેશન ! અને ગેરસમજ તો ઘણા બધા દુખો નું મૂળ છે , જિંદગી તબાહ કરી નાખવા માટે પણ પૂરતી છે – ગેરસમજ ! વર્લ્ડની ગ્રેટેસ્ટ ટ્રેજીક સ્ટોરીઝ ગેરસમજ ને મુખ્ય વિષય પ્રયોજી ને લખાઈ છે , ઘણી હિન્દી ફિલ્મ્સ પણ બની છે – બનતી રહેશે . એ ફિલ્મ્સ , પ્લે જોઈ ને શિખ મેળવી શકાય – જીવનમાં ગેરસમજ થી દૂર રહેવાની

    Like

  3. સુરેશ જાની કહે છે:

    અપેક્ષાઓ…અપેક્ષાઓ…અપેક્ષાઓ…

    Like

  4. Vipul Desai કહે છે:

    ગેરસમજ ક્યારે ઉભી નહી થાય જ્યારે ઘેર સમજ (બધા ઘરનાને સમજ હોય). આ તો ઘરનું એક ફળ જો સડેલું હોય તો બધા ફળોને બગાડે. મુખ્ય વસ્તુ વિનોદભાઈ,સુરેશભાઈ,યુવરાજ બધાની વાત સાચી પરંતુ બીજું એક કારણ પૈસાની તંગીને લઈને બધા પ્રોબ્લેમો ઉભા થાય. પૈસાદારોને ત્યાં અઢળક પૈસો હોવા છતાં એમને ગજા ઉપરાંતના મોજશોખને લઈને પૈસાની તંગી રહે છે.

    Like

  5. preeti tailor કહે છે:

    saras lekh ….aapane aapani jaatne dikaro dikari ,maa baap ,bhai bahen ,pati patni , ma baap -dikaro dikari e sambandho sivay fakt aapane ek vyakti ane aapani sathe pan ek svantantr vyakti j chhe ..emana aapana thi aagva ane juda vicharo hoi shake e vastu vicharta ane svikarta shikhya j nathi …aa vaat saav saral hova chhatay vyavahar ma utaravi khub mushkel chhe ….koi pan stri ke purush pahela ek svatantr vyakti chhe ane teno potano pan svatantr abhigam hoi shake ..bas aatlu samjvu ane vyavhar ma laavvu pade …pan ????????????

    Like

  6. ગોવીન્દ મારુ કહે છે:

    ખોડંગાતા સંબંધોનું એક જ કારણ દરેકને પોતાનો અહમ…

    Like

આપનું અમુલ્ય મંતવ્ય આપશો ?

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s