થોડુંક વધારે –

હમણા કેટલાક દિવસથી મન-મગજ, યોગ, આઝાદ બનો એવી બધી ઝફા વાંચવાની/લખવાની વધારે રહી. આ બધી ગુંચવણોમાં તારણ સુધી તો પહોંચી શકાયું નહી. પણ એક નવો મુદ્દો મનમાં આવ્યો.

આપણે જીવીએ છીએ શા માટે ?

મોટીવેશનની તાલીમમાં, તાલીમ શરુ કરતા પહેલા ‘આઈસબ્રેકીંગ’ના ભાગરુપે અમે પાર્ટીશીપન્ટસને એક નોટ લખવા આપતા (મનની વિચારધારા બ્રેક કરવાને આઈસબ્રેકીંગ કહે છે, એનાથી કુતુહલતા વધે છે પરીણામે તાલીમમાં ગ્રહણશક્તિ વધે છે.) –

‘Why I am here ?’

બધા પોતપોતાની ઇચ્છાઓ, આકાંક્ષાઓ વ્યક્ત કરતા, આ નોંધનો ઉપયોગ ગોલસેટીંગમાં પણ કરી શકાય, પણ અમે ફક્ત મનને ફ્રેશ કરવા તેનો ઉપયોગ કરતા. આ નોંધનું વિશ્લેષણ કરીએ તો આનંદ આવે. તમને ઇચ્છા થાય તો પ્રયત્ન કરી જુઓ. આગળનું વાંચતા પહેલા ત્રણ મીનીટનો પ્રયોગ કરી જુઓ. બ્લેન્ક પેપર લઈ.. અરે કોમ્પ્યુટરમાં વર્ડ  ખોલીને તેમાં જ ટાઈપ કરી નાખો –

‘Why I am here’

………………..

………………….

મોટા ભાગના લોકોએ પોતાની હાલની જે ‘સ્થિતિ’ છે તેનાથી ‘થોડીક વધારે સારી સ્થિતિ’ મેળવવાની વાત લખી હશે. પેલું ગધેડાને આગળ ધપાવવાના મોટીવેશન માટે લટકાવેલા ગાજર જેવું !

donkeyandthecarrot_blogres_960

થોડુંક વધારે માટે આપણે સતત પ્રયત્નશીલ રહીએ છીએ, અને રહેવું જ જોઈએ. જીવન જીવવા માટે કોઈ અવલંબનની  જરુર છે. નોકરીયાત પ્રમોશન માટે, ધંધાદારી વધારે નફો મેળવવા, રીટાયર્ડ બુઢ્ઢાઓ પૌત્રો-પૌત્રીઓને ઠેકાણે પાડવાની આશામાં (એ પાછળનો ‘મેં કાંઈક કર્યુ’ નો અહમ સંતોષવા) તકલીફો ભોગવતા ભોગવતા પણ જીવ્યે જાય છે. (પાછા વહેમ તો એવો રાખે કે પ્રભુના હાથમાં છે બધુ ! ભઈલા અઠવાડીયું ખાવાનું બંધ કરી દે ને ! પ્રભુ લઈ જ જશે ! નકામો વસ્તીવધારાનાં આંકડાઓમાં વધારો કરશ !) અરે ! ઋષિમુનિઓ પણ જીવન જીવવા માટે  ‘મોક્ષ’ નું અવલંબન લેતા હતા.

ટુંકમાં જીવન જીવવા માટે ‘અવલંબન’ની જરુર છે.

હોવું જ જોઈએ !

મારી પાસે જે છે તેના કરતા થોડુંક વધારે હોવું એ વિચાર મને પ્રવૃતિશીલ રાખે છે.

જગત જો ગતિશીલ લાગતું હોય તો આ ફક્ત ‘થોડુંક વધારે’ ના વિચારને કારણે જ.

carrot

જીવનમાં તક્લીફો વધી હોય તો એ ‘થોડુંક’ ની જગ્યાએ ‘ખુબ વધારે’ના કારણે વધી છે. સીડી ચડવી હોય તો એક એક પગથીયું જ ચડી શકાય. વધારે જોર કરો તો ટાંટીયો ચોક્ક્સ ભાંગે.

ચોખ્ખી વાત –

આ આખી વાર્તા સામાન્યજનને લાગુ પડે છે, કંઈક ‘નવું કરવા’ની ભાવનાવાળાને નહી !

(ઉપરના બંને ચિત્રો નીચેની વેબ સાઈટ પરથી સાભાર લીધા છે.

http://nationallearning.com.au/bob-selden-163/

http://www.crossingworld.com/

મોટીવેશન વિષયમાં રસ ધરાવનારે આ સાઈટ વીઝીટ કરવા જેવી ખરી)

‘અવલંબન’ શબ્દ લખ્યો છે પણ ખરેખર ‘કારણભૂત’ (cause) વધારે યોગ્ય હશે. જે હોય તે, રોટલો ખાઓને ટપાકાનું શું કામ !

2 comments on “થોડુંક વધારે –

  1. $umit Patel says:

    નમસ્તે જગદીશભાઇ,

    મારો એક પ્રશ્ન કે શું માત્ર વાંચન કરવા કે કાંઇક જોવાથી કે સેમીનાર ભરવા થી જ મોટીવેશન થઇ શકાય છે. માનો કે સેમીનાર ભર્યા પછી મોટીવેશન થઇ ગયા તો કેટલા સમય માટે તેને ટકાવી શકીશું એ મારી દ્રષ્ટીએ મહત્વનું ગણાશે. જો મારે અત્યારના સમયમાં મોટીવેટ થવા માટે કોનો સેમીનાર ભરવો જોઇએ. બાકી જીવનમાં થોડુ વધારે એ જ જીવનની ગતિ છે. એ જ જીવન છે.

    Like

આપનું અમુલ્ય મંતવ્ય આપશો ?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s