પુનર્જન્મ –

આજની પોસ્ટ મારા ઓફીસ કલીગ – શ્રી વિનોદ ડાભીના મેઈલ પરથી. એમને પુનર્જન્મ વિષેના મારા વિચારો માટે પણ પુછી નાખ્યું. એણે કેટલીક લિન્ક પણ આપી છે. મારા પુનર્જન્મ વિશેના વિચારો કંઈક અલગ જ છે પણ મગજ થોડું બંધ રખાય, એમણે મોકલેલી લિન્ક પણ જોઈ જઈશ અને બીજા પણ ખાંખાખોળા કરીશ, પણ ત્યાંસુધીમાં તમે પણ થોડુ યોગદાન કરો એવી અભ્યર્થના સાથે જેમનું તેમ –

શ્રી વિનોદ ડાભી – ૨૮/૧૨/૧૨

આજે ઓફિસમાં આવીને કાઈ કામ શરુ કરું તે પહેલા બાપુજી નાં વિચારો આવ્યા અને થયું Is there life after death? તેઓ શું કરતા હશે? તેમનો પુનર્જન્મ (Reincarnation) થયો હશે કે હજુ વેઈટીંગ લીસ્ટ માં હશે કે ભગવાન વિચારતા હશે કે ક્યા જન્મ આપવો. કે પછી બાપુજી પુનર્જન્મ લેશે જ નહિ? તમને આ વાંચતા એવું લાગતું હશે કે કોણે જોયું કે જાણ્યું કે આપણે ફરીથી જન્મ લઈએ છીએ. મને પણ એવું લાગતું. મેં ઈન્ટરનેટ પર સર્ચ શરુ કર્યું. એક જગ્યા એ વાંચ્યું કે પુનર્જન્મ એ ગુરુત્વાકર્ષણ ના નિયમ જેવું છે. હજારો કે લાખો વારસોથી ગુરુત્વાકર્ષણ તો હતું જ પણ તેની શોધ નહોતી કરી, તેનાથી અજાણ હતા તેવું જ પુનરજન્મ નું હોઈ શકે. આપની પાસે વૈજ્ઞાનિક પુરાવા ન હોય તેથી માનીએ નહિ. પણ ફરીથી કહું તો “તમે કરોડ રૂપિયા જોયા છે?” જવાબ છે….ના. તેનો મતલબ એવો નથી કે કરોડ રૂપિયા ન હોઈ શકે. જે આપણે જોયું નથી તે ન માનવું તે વિજ્ઞાન નથી પણ અજ્ઞાન છે.

મને ધીરે ધીરે એ સત્ય સમજાય છે. હું એક બૂક વાંચું છું.”30 Most convincing cases of Reincarnation” “પુનર્જન્મ ના ૩૦ કિસ્સા”  વિજ્ઞાનીઓ અને ડોકટરો એ સંશોધન કરેલ હોય તેવા કિસ્સા છે. તેમાં એક કિસ્સો બહુ ફેમસ થયેલ તે ગાંધીજીના સમયનો છે. ૧૯૩૦ માં જન્મેલ એક છોકરી ‘શાંતિદેવી’ આગલા જન્મ માં મથુરાના એક વેપારી ની પત્ની હોય છે અને બાળક ના જન્મ સમયે મૃત્યુ પામે છે તેનો કિસ્સો બહુ રસપ્રદ છે. તે બચપણ થી લઈને તેના મૃત્યુ સમય અને મૃત્યુ પછી ની વાતો પણ કહે છે, ગાંધીજી પોતે તેને મળવા ગયેલા અને એક કમિટી રચેલ અને સત્ય શું છે તેની ચકાસણી કરેલ. ફક્ત ભારત જ નહિ પણ દુનિયાના લગભગ બધા દેશોમાં આવા કિસ્સા જોવા મળે છે. ડો. ઇયાન સ્ટીવન્સન એ ૨૫૦૦ કિસ્સા તપાસી ને ઘણી બુક્સ લખી છે. મને એ બધું વાંચવા માં રસ પડે છે એટલે હું શરુ કરવા વિચારું છું. અને કોઈ જો મને મારા બાપુજી ના મૃત્યુ પછી ની અને હાલ ની સ્થિતિ વિષે કોઈ સાયકિક (Psycic ) કહી શકે તેવો મળી જાય તો હું અવશ્ય જાઉં. અને ગમે તેટલા પૈસા લે પણ તે માહિતી મેળવું. પણ આજ કાલ ધુતારાનો તોટો નથી.

આ સિવાય પણ બીજી ઘણી બાબતો એવી છે કે જેમાં આપણ ને રસ પડે. દા.ત. બર્થમાર્ક્સ (શરીર પર લાખું કેમ આવે છે?), આત્માનો પરકાયા પ્રવેશ શા માટે? સારા આત્મા અને ખરાબ આત્મા હોય છે? માતાઓ અને ભૂવામાં ખરેખર શક્તિ હોય છે કે તેઓ આત્મા (સારા અને ખરાબ) ને કંટ્રોલ કરી શકે? અકાળે અવસાન થયેલ કે એક્સીડેંટમાં મૃત્યુ પામેલા જ ભટકતી આત્મા બને કે મોટી ઉંમરે વૃદ્ધાવસ્થામાં અવસાન પામેલ લોકો પણ અતૃપ્ત આત્મા બની શકે? જો આ બધું જાણવા નું વિજ્ઞાન હોય તો? પ્રયોગો થી સાબિત આજે નથી થયું પણ કદાચ આવનારા વર્ષો માં થશે. અને આપણે જાણી શકીશું કે કોણ સદગતિ પામ્યું અને કોણ ભટકતી આત્મા થયું. પછી આપણે બધા સદગતિ પામવા સદકાર્યો કરીશું. અને કોઈ ખરાબ કાર્ય નહિ કરે, પોલીસ ની જરૂર નહિ પડે કેમ કે કોઈ ચોરી, લુંટ, રેપ કે ગુંડાગીરી નહિ કરે કે લાંચ રુશ્વત નહિ લે.

આવું થાય તો કેવું આદર્શ વિશ્વ બની શકે?

સાંજે રૂમ પર ગયા પછી પણ પુનર્જન્મ વિષે વિચારો ચાલુ જ રહ્યા, નાહી, કપડા બદલી જમીને તરત જ ફરીથી એ વિષયે ઈન્ટરનેટ પર સર્ચ શરુ કર્યું. થોડીવાર શારદા સાથે ચેટીંગ કર્યું, યુ-ટુબ પર પુનર્જન્મ વિષે લખ્યું તો ઘણા બધા વિડીયો આવ્યા, તેમાં BBC ના ડો. ઇયાન સ્ટીવન્સન નો વિડીયો માહિતી સભર અને રસપ્રદ રહ્યો. બીજો એક વિડીયો એક આઈરીશ બાળક કે જે ૪ વરસ નો છે તેને પૂર્વજન્મ યાદ હોય છે તો તેના પહેલાના જન્મ ના ઘર, ગામ વ્યક્તિઓ વગેરે ની સચોટ માહિતી આપે છે અને તેના હાવભાવ પણ બતાવ્યા છે, જોવા જેવો વિડીયો છે. કાલે પુનર્જન્મ ની માન્યતા પાકી થઇ. આપને વિજ્ઞાન માં બહુ આગળ વધ્યા છીએ તેમ કહેવાય પણ સાથે સાથે આપણે કુદરતના એટલે કે અજ્ઞાત શક્તિ વિષે ૧ ટકો પણ જાણતા નથી, એવું કહીએ તો ચાલે. વિડીયો જોયા અને પુનર્જન્મ ના વિચારો કરતો કરતો સુઈ ગયો.

www.youtube.com/watch?v=PbWMEWubrk0

Scientific Proof of Reincarnation: Dr. Ian Stevenson

reluctant-messenger.com/reincarnation-proof.htm

આપનું શું માનવું છે આ બાબતે ?

4 comments on “પુનર્જન્મ –

  1. I believe in Reincarnation🙂 but i don’t want to be re birth again !

    Like

  2. ખુબ સંવેદનશીલ મુદ્દો છે. મારો મત લખવા જઉ તો નવો જ બ્લોગ થઇ જાય.
    ટુંકમા કહું તો હા અને ના બંને.
    કારણ -૧
    એટલે કે અંતહકરણ(મન ચીત અંહંકાર) મ્રુત્યુ પછી વિખેરાય જાય છે અથવા જીવ સાથે રહે છે.
    અને બીજા જન્મમાં જે યાદ આવે છે તે સંપુર્ણપણે આખુ પેકેજ નથી. જેમકે મારા મ્રુત્યુ પછી, મારા મનના અમુક તમુક ભાગો ભુત બની ભટક્યા કરે અને હું આખો બીજે જન્મ લઇ લઉ , આ પણ એક સંભાવના છે, નવાઇ લાગીને ? આ તર્ક મેં ક્યાંક વાંચેલો છે. એટલે જવાબ થયો હા અને ના બંને.
    કારણ-૨
    આપણે બધા એક જ સુપર કોંસીયસ (એકોમકાર) ના વ્યક્ત સ્વરુપો છે. બીજા અર્થમાં કહું તો સંપ્રદાયોનો સામુહીક આત્મા. જેમકે દેશનો આત્મા, જ્ઞાતીનો આત્મા( જેને આપણે કુળદેવી કહીયે) અને આખી પ્રુથ્વીનો આત્મા. આમ માહીતીની બાબતમાં આ બધુ એક ઇંટરનેટ ના જાળાની જેમ એકબીજા સાથેવ જોડાયેલ છે.
    એટલે પાછલા જન્મનૂ યાદ આવવું એ આવી જ કોઇ ચેનલ દ્વારા ટ્યુન થઇ જવાની એક ઘટના હોય શકે. જેમકે આપણે રેડીઓ સાથે ટ્યુન થઇએ. એટલે જવાબ થયો હા અને ના બંને.

    આમ તો હું પણ નથી જાણતો અને તમે પણ નથી જાણતા એટલે તર્ક અને વીતર્કોની દુનીયામાં ન તમે સા્ચા ના હું અને જે જાણે છે તે ક્યારેય બોલશે નહી. એવો આ ઘહન વી્ષય છે.કઠોપનીષદ અના માટે બેસ્ટ છે પણ તેમાંય નચીકેતાના અથાક પ્રયત્ના છતા મ્રુત્યુનું સંપુર્ણ રહસ્ય યમદેવે નથી બતાવ્યુ.

    Like

  3. આવું થાય તો કેવું આદર્શ વિશ્વ બની શકે?

    વેદો અને પુરાણોને ક્યારેય આદર્ષ વીશ્વની કલ્પના નથી આપી. આદર્ષ વીશ્વ ક્યારેય હતુ નહી છે નહી અને થશે નહી. અને સૌથી મહત્વની વાત આદર્શ વિશ્વ ન હોવું જોઇએ , એવી ઇશ્વરની ઇચ્છા છે. સ્વર્ગ એટલેકે કે આદર્શ વીશ્વ એ સૌથી બોરીંગ જગ્યા છે, જ્યા બધા સારા હોય ન કોઇ ઝગડો ન કોઇ સમસ્યા. એ દુનીયાની સૌથી બોરીંગ જગ્યા હશે. આ હું નહી વેદો કહે છે.
    ઉદ્દાહરણ -૧
    ભ્રહ્માએ જ્યારે દુનીયાની સર્જન કરવાની શરૂવાત કરી ત્યારે આ જ વિચાર હતો કે આદર્સ વિશ્વ બનાવુ પણ, તેના સંકલ્પોમાંથી અનાયાશે દેવોની સાથે સાથે દાનવો પણ નીકળવા લાગ્યા ત્યારે ભ્રહ્મા ગભરાઇ જાય છે, તે પ્રસંગમાં આનો સુચક જવાબ છે.
    ઉદાહરણ -૨
    શીવ ને દાનવોના દેવતા કહેવાય છે. દેવતાઓઅની સાથે યોગ્ય પ્રમાણમાં દાનવોનું સંતુલન બની રહે તે માટે શીવજી ક્રુત સંકલ્પીત છે. બીજા અર્થમાં કહું તો દાનવોનું રક્ષણ સ્વયં પ્રક્રુતી કરે છે. સુક્રાચાર્યને યોગ્ય પ્રમાણમાં સંજીવની વિધ્યા વાપરવા માટે સ્વયં શીવે આપી છે. પતલાબ કે જ્યારે જ્યારે દેવતાઓ દાનવો ને અન્યાય કરશે ત્યારે સુક્રાચાર્ય આ સંજીવનીથી તેમને જીવતા કસશે. શીવજી ભોળા છે એટલે દાનવો એમની પાશેથી વરદાન લઇ જાય છે તે તદ્દદ્દન ખોટી વાત. શીવજીએ દેવોનું પ્રતીનીધીત્વ વિષ્ણુને આપ્યુ અને દાનવોનું પ્રતીનીધીત્વ સુક્રાચાર્ય અને પોતે ન્યાયાધીસ રુપે બંનેના યોગક્ષેમ માટે વચ્ચે ઉભા રહ્યા.

    Like

    • jagdish48 says:

      બંને કોમેન્ટસનો તર્ક વિચારવા લાયક છે. શ્રી ડાભી પણ બ્લોગને ફોલો કરે છે આથી તેઓ પણા આપની કોમેન્ટ વાંચશે.
      આભાર.

      Like

આપનું અમુલ્ય મંતવ્ય આપશો ?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s