સ્ટ્રેસ ઇ-બુક્નો નમુનો

નરેન્દ્ર મોદીએ ગુજરાતમાં વિરોધીઓ તેમજ  વિરોધપક્ષોને જેમ ધોઈ નાખ્યા તેમ વાંચકોએ પણ મને ધોઈ નાખ્યો !

એક નાનકડું કામ સોપ્યું, પણ કર્યું નહી ! મિત્રો ! થોડુંક તો રાખો ?

સ્ટ્રેસ ઈબુકનું સેમ્પલ અપલોડ કર્યાના બે દિવસ થયા, કોઈનું ફીડબેક ન મળ્યુ. જે આવ્યા તે લાઈક કરી રવાના થઈ ગયા.

આજે ઇબુકના સુચનોની ફરી ટેલ નાખુ છુ.

હવે આખી પ્રોસેસ ફરીથી લખી નાખુ. –

૧. નીચે આપેલ શબ્દ પર ક્લીક કરો.

૨. રોગોનો રાજમાર્ગ – સ્ટ્રેસ

૩. તમારો સ્ક્રીન પીડીએફ ફાઈલ ડાઊનલોડ કરવા પુછશે, ફાઈલ ડાઊનલોડ કરો અથવા સ્ક્રીન પર પીડીએફ ફાઈલ ખુલશે.

૪. ઓપન થયેલી આ ફાઈલને માઊસ પર રાઈટ ક્લીક કરી ‘Save as’  ઓપ્શન પર ક્લીક કરો.

૫. ઓપન થયેલી વિન્ડોમાં ‘ebook’ લખી કોમ્પુટરમાં સેવ કરી લો.

૬. આ ફાઈલના નામ પર ક્લીક કરશો એટલે Adobe Reader માં ફાઈલ ખુલશે

૭. જો એડોબ રીડર તમારા કોમ્પુટરમાં ન હોય તો નીચેની લીન્ક પરથી ડાઊનલોડ કરશો – (તમને ભવિષ્યમાં પણ કામ લાગશે.)

http://get.adobe.com/reader/?c=hk

૮. પછીનું કામ સરળ છે – મને ધોઈ નાખો ! – કંઈક કોમેન્ટ લખીને, સલાહસુચનો આપીને !

તમે કંઈક કહેશો તો આગળ લખાશે અને પુસ્તિકા પુરી થશે.

મહેરબાની !!!!!!!!!!!!

12 comments on “સ્ટ્રેસ ઇ-બુક્નો નમુનો

  1. already downloaded , but couldn’t read it yet 😦

    Like

    • jagdish48 says:

      વાંચીને કંઈક તો કહેજો !!!!!!!!!!!

      Like

      • જગદીશ સર , બુક તો એકદમ સરળ છે ! અને તેમાં એકદમ સહજતાથી તમે જે વ્યક્ત કર્યું છે , તેમાં કઈ ઉમેરવા જેવું નથી 🙂 . . . હા , પણ એમ કહી શકાય કે કદાચ માણસની તણાવ પકડવાની વૃતિ કદાચ તેના બચપણથી જ તે જે કુટુંબ અને આજુબાજુના સામાજિક માહોલમાં ઉછેર પામ્યો હોય , તેનાથી પ્રભાવિત થઇ શકે ! . . .

        અને એક રીતે જોઈએ તો કદાચ તણાવ માનવજાતની ઉત્ક્રાંતિ સાથે જ સંકળાયેલ એક પરિબળ હોવું ઘટે . . કે વ્યક્તિ કદાચ કોઈ તણાવને કારણે પણ માનસિક રીતે વધુ સજ્જ થઇ શકે !! મતલબ કે સ્ટ્રેસ માત્ર Trigger કરવા માટે Use થાય તો સારું . . હાં , પણ જો તેની આદત પડી જાય તો તો ખોટું . .

        મારી પાસે અન્ય કોઈ વૈજ્ઞાનિક કારણો તો નહી હોય , પણ આટલું હું સ્ટ્રેસ વિષે સમજ્યો એમ કહી શકાય 🙂 { હા , તમે કહ્યું એમ ; ખોટી ધારણાઓ સ્ટ્રેસની માતા છે , એ 100% સાચી વાત }

        Like

    • jagdish48 says:

      33 days !!!! 10-15 pages with big letters and still No feedback ?
      Sometimes think of others also.

      Like

      • જગદીશ સર , મેં હજુ સુધી તે બુક નથી વાંચી 😦 મારા મગજમાંથી સાવ નીકળી ગયું . . . પણ હું જરૂર મારી યથાશક્તિ મારો અભિપ્રાય આપીશ . . . બસ થોડી રાહ વધુ . . . ફરી વાર Big Sorry .

        Like

  2. jjkishor says:

    વાંચી ગયો. પણ હવે વાંચવાનો સમય કાઢવામાં જ સ્ટ્રેસ અનુભવાય છે !! કમ્પ્યુટર પર સતત ને સખત કામ ચાલતું રહે છે. વળી આયુર્વેદના રસ્તે ચાલવાનું હોઈ આ બધું બહુ સમજાય નહીં…જોકે માહીતીની દૃષ્ટીએ તો લખાણ સરસ જ છે. તમે આગળ વધશો તો ફાયદો જ છે.

    Like

    • jagdish48 says:

      હું આયુર્વેદનો જ ચેલો છું, આથી એની આડમાં છટકવાની કોશીશ ના કરો !
      મારે તો એટલું જ જાણવું છે કે કોઈપણ પ્રકારના વિજ્ઞાન સાથે સંકળાયેલ ન હોય તેવી વ્યક્તિ મારા લખાણને સમજી શકશે કે કેમ ?
      આના પછીની ‘કૅળવણી’ ની પોસ્ટ માટે તો કંઈક કહેવું જ પડશે અને જે લખ્યું છે તેના કરતા વધારે લખવું પડશે.
      હું એકલો જ નહી પણ બીજા બધા પણ રાહ જોશે !

      Like

      • jjkishor says:

        આ તો અત્યાચાર કહેવાય ! કેળવણી અંગે આપો તો ખરા, જોઈશું. !

        ટ્રેસ અંગેનું સાવ સરળ છે; સમજાશે.

        Like

        • jagdish48 says:

          જુગલભાઈ ખરેખર લાગ્યું કે સ્ટ્રેસમાં છો ! કેળવણી પબ્લીસ થઈ ચુકી છે.
          ‘દર્શક’ના દિશાસુચનથી ફંટાઈને વર્તમાન જરુરીયાતની વાત કરી છે.
          આથી જ આપનો પ્રતિભાવ જરુરી છે. જો વિચાર યોગ્ય હોય તો તેનો પ્રસાર પણ કરવા જેવો છે.
          બાકી જુલમ જાણીતા પર જ થાય, અજાણ્યામાં માર પડે !!!!!!!!!

          Like

  3. Patel Sumit says:

    સ્ટ્રેસ પણ ક્યારેક સારો હોય છે! (મનોવૃત્તિ) મનોવૃત્તિ – રચના કોઠાર

    કેલિફોર્નિયામાં ૨૦ વર્ષની ઉંમરનો એક અદ્ભુત છોકરો ઉછરી રહ્યો છે. એ અદ્ભુત એટલા માટે છે કે ‘સ્ટ્રેસ ફ્રી લાઈફ’ (તાણ વગરની જિંદગી) કેવી હોય તે જાણવા માટે કરવામાં આવતા પ્રયોગોના એક ભાગરૂપે તેને ઉછેરવામાં આવી રહ્યો છે. આપણે સહુ ઉછરીએ તેના કરતાં તદ્દન જુદી જ રીતે.
    શહેરથી દૂર એક અલાયદી જગ્યાએ તેનું નિવાસસ્થાન છે. જ્યાં જરા પણ ઘોંઘાટ કે શોરબકોર નથી. પ્રદૂષણમુક્ત એવી આ જગ્યામાં છોકરાની તમામ જરૂરિયાતોનો સંપૂર્ણપણે ખ્યાલ રાખવામાં આવી રહ્યો છે. તેની ભૂખ, તેની ઊંઘ, તેનો ખોરાક, તેની ટેવો, તેની રમતગમતો, તેના મિત્રો વગેરે તમામ બાબતોથી છોકરાને પૂરેપૂરો સંતુષ્ટ રાખવામાં આવી રહ્યો છે. માતા-પિતાનો પ્રેમ, વાંચનની સામગ્રી, સમવયસ્કોની હૂંફ બધું જ તેને માટે હાજર છે. અને છતાં તેની એકવીસમી વર્ષગાંઠે એ છોકરો દૂર આવેલાં જંગલોમાં એકલો જઈને પાછો આવે છે. તેના હાથમાં એક કાગળ હોય છે, જેમાં લખી છે એક કવિતા : ‘જીવન કેટલું સભર છે! કેટલું ભરચક છે! કેટલું ખીચોખીચ છે! વીસ વર્ષના સંઘરાયેલા અર્થહીન શૂન્યાવકાશથી!”
    તો આ છે ‘સ્ટ્રેસ ફ્રી’ રહ્યાનો અનુભવ, નિચોડ અને નિષ્કર્ષ. તમે તમામ પ્રકારની તાણ, ચિંતાઓ, તકલીફો, મુશ્કેલીઓથી બચી જશો અથવા દૂર રહેશો તો તમને જીવન અર્થહીન, ખાલીખમ, નિરર્થક લાગવા માંડશે. જીવનમાં સંઘર્ષ હશે તો જ તમને જીવતા હો એવું લાગશે. યાતનાઓ હશે તો જ તમારે સામનો કરવાનો આવશે અને તો જ તમે જીવનને અનુભવી શકશો.
    મનોવિજ્ઞાાનના પ્રયોગોએ પણ પુરવાર કર્યું છે કે, શરૂઆતના તબક્કામાં જેમ જેમ કોઈ કાર્ય પૂરું કરવા અંગેની એન્કઝાઈટી વધે, તેમ તેમ તે કાર્ય પૂરું કરવાની આપણી શક્તિ અને ઝડપ પણ વધતા જાય છે. પરીક્ષાના દિવસો નજીક આવતા જાય છે તેમ તેમ એન્કઝાઈટીની માત્રા વધતી જાય છે અને સાથે જ આપણી વાંચવાની ગુણવત્તા અને ક્ષમતા પણ વધતા જાય છે. (અલબત્ત, એક સમય એવો આવે છે જ્યારે એ એન્કઝાઈટી જો અમુક માત્રાથી વધી જાય તો આપણે આપણી કાર્યક્ષમતા ઓચિંતી જ ગુમાવી બેસીએ છીએ; જેમ કે, પરીક્ષાથી વધુ પડતો ચિંતિત થયેલ વિદ્યાર્થી પોતાને આવડતી વસ્તુઓ પણ ભૂલી જાય છે). કહેવાનું તાત્પર્ય એટલું જ કે સ્ટ્રેસ, તાણ વગેરે જીવનમાં અમુક રીતે જરૂરી અને વિધાયક ભાગ ભજવે છે.
    પરંતુ, સાથે જ આપણે આનાથી તદ્દન વિપરીત ઉદાહરણો પણ જોઈએ છે, જેમાં નાની સરખી મુશ્કેલી માણસના સુખચેન, માણસની શાંતિ હરી લેતા હોય છે. પોતાના પટાવાળાની દાદાગીરી સામે કંઈ ન કરી શકનારા ઓફિસરો, વંઠી ગયેલા છોકરાઓ આગળ લાચારી અનુભવતા વડીલો; બીમારી કરતાં બીમારીની બીકથી વધુ ડરતા, વધુ પીડાતા લોકો; શારીરિક ખોડ-ખાંપણને લીધે લઘુતાની વેદનાનો ભાર ઊંચકીને ફરતા લોકો અને આવી તો કેટલીય પરિસ્થિતિઓમાં વિવશતા અનુભવતા, ગૂંગળાતા લોકોને આપણે જોઈએ છીએ ત્યારે થાય છે કે વિચિત્ર પરિસ્થિતિમાંથી ઉદ્ભવતી માનસિક તાણ માણસને કેટલો નિઃસહાય, નિરુપાય બનાવી મૂકે છે!
    આ તો હજુ એક જ પ્રકારનો સ્ટ્રેસ (તાણ) થઈ! આવા તો કેટલાય પ્રકારના સ્ટ્રેસ આપણે રોજબરોજના જીવનમાં અનુભવતા હોઈએ છીએ! આપણને મેલેરિયા, ટાઈફોઈડ, ટીબી, કમળો ને કોલેરા થાય છે, તે થયો બાયોલોજિકલ (જૈવિક) સ્ટ્રેસ. ભૂખ, તરસ, ઠંડી, ગરમી, ભેજની અતિશયતા અથવા ઊણપથી ઉત્પન્ન થતો ફિઝિયોલોજિકલ સ્ટ્રેસ. ધુમાડો, ગંદકી, ઝેરી વાયુઓ, રસાયણો વગેરેથી બનતો વાતાવરણજન્ય (એન્વાયર્ન્મેન્ટલ) સ્ટ્રેસ અને આ યાદી લંબાયા જ કરે છે. એમાં ઉમેરાય છે સાંસ્કૃતિક તાણ અથવા કલ્ચરલ સ્ટ્રેસ. લઘુમતીઓ, નિરાશ્રિતો, સ્થળાંતરિત થયેલા લોકોમાં દૃઢ બનતી જતી અસલામતીની ભાવનાથી ઉપજતી તાણ. જેની વાત પણ ન થઈ શકે એવા મોંઘવારી, બેકારી, ગરીબી, ત્રાસવાદ વગેરેથી સર્જાતું તાણયુક્ત જીવન અને લંબાતી લંબાતી આ યાદી અંતહીન બની જાય છે.
    આપણે જાણીએ છીએ કે આવો લાંબા ગાળાનો અથવા તીવ્ર માત્રાનો અથવા એક સાથે એકથી વધુ પ્રકારનો સ્ટ્રેસ વ્યક્તિ ઉપર પડવાથી તે હતાશ, ઉદાસ, નિરાશ થઈ જાય છે. તેનું કૌટુંબિક, વ્યક્તિગત, સામાજિક, વ્યવસાયિક તથા લગ્નજીવન કથળવા માંડે છે. તેનો અહ્મ ઘવાય છે, તેનું મનોબળ તૂટે છે, તેની સહનશક્તિ ખૂટવા આવે છે. તેનું વર્તન ચીડિયું, હતપ્રભ, એકાકી, ઉશ્કેરાટપૂર્ણ, નાદાનિયતભર્યું, અણસમજુ પ્રકારનું થતું જાય છે. તેની દરેક સાંજ અકારણ રસ્તાઓ પર ભટકવામાં અથવા ઘરોના અસ્પૃશ્ય ખૂણાઓમાં અશ્રુ સારતી વીતી જાય છે. તે બાળકોનો પિતા નથી રહેતો, તે ચાહકોનો મિત્ર નથી રહેતો અને ક્યારેક તે પોતાનો પણ નથી રહેતો.

    Like

    • jagdish48 says:

      કલ્ચરલ સ્ટ્રેસની વાત ગમી. આભાર !
      સ્ટ્રેસના મુળભૂત પ્રકારોમાં યુ-સ્ટ્રેસ ની વાત છે તે જરુરી પણ છે. એની હાજરીથી જીવનમાં નિરર્થકતા નહીં પ્રવેશે.
      બયોલોજીકલ સ્ટ્રેસમાં ‘ઓક્સીડેટીવ સ્ટ્રેસ’ ની વાત કરવાની બાકી જ છે.

      Like

  4. hirals says:

    just read reviewed one book yesterday till late night, so, feeling sleepy today.
    But book was so good and helpful, so, feeling good today.
    your book, next target. thanks for sharing.

    Like

આપનું અમુલ્ય મંતવ્ય આપશો ?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s