કુટુંબ કે કેરીયર – ૨

 

આગલી પોસ્ટમાં બાળકને નાનપણથી જ મોટા બનાવવામાં માબાપને વણમાગી સલાહ આપી. પણ એમાં થોડો સુધારો કરવાની પણ ઇચ્છા છે. બાળકોને નાનપણથી પોતાની જરુરીયાતો (નાણાકીય સિવાયની) જાતે પુરી કરવા યોગ્ય માર્ગદર્શન આપો, પણ મહેરબાની કરી, તેનું બચપણ છીનવાય જાય એવા ટીવી એડ, ટીવીના લાઈવ શોમાં (DID Little Champ કે Saregama જેવા) લઈ જવાના ધખારા રહેવા દેજો. બાળકોનું બચપણ તો છીનવાશે જ, પણ સાથે સાથે જીત કે હારના ઝાટકા તેમના જીવનમાં ઝેર ઘોળી દેશે. પ્રતિભા બહાર લાવવાની વાત બરાબર છે પણ રમત-ગમત સાથે પ્રતિભાને અનુરુપ કૌશલ્ય કેળવાય એ જરુરી છે. જો માબાપની યોગ્ય તાલીમ હશે તો બાળક મોટા થતા પોતાની કેરીયરની પસંદગી કે આગળ વધવામાં આત્મવિશ્વાસ સાથે પ્રગતિ કરશે અને માબાપને ચિંતા કરવાની જરુર નહી રહે. માબાપો એ પણ યાદ રાખવાનું છે કે યુવાન એ નોટો છાપવાનું મશીન નથી. તેને પણ પોતાનું જીવન પોતાની રીતે જીવવાનો હક છે.

કુટુંબ કે કેરીયરની પસંદગીમાં યુવાનોની જવાબદારી ઘણી અગત્યની છે. બાળકનો પગભર થાય ત્યાં સુધીનો ઉછેર, એ માબાપની નૈતિક જવાબદારી ખરી પણ એ જ માબાપને જ્યારે ડીપેન્ડેન્ટ બની જાય ત્યારે વૃધ્ધાશ્રમમાં ન મુકાય, પણ તેમનું ભરણપોષણ કરવાની યુવાનની નૈતિક જવાબદારી છે. માબાપ સાથે ‘સ્વાર્થનો સંબંધ’ રાખીને પણ નિભાવવા જોઈએ. લખવું કે કહેવું સરળ છે પણ ‘પત્ની’ અને ‘મા’ વચ્ચે યુવાનને બેલેન્સ કરવું તકલીફ ભર્યું પણ છે. એવી જ રીતે ‘ડોસા’નો (?) સ્વભાવ અને વર્તન સાંખી લેવું પણ તકલીફવાળું કાર્ય છે.

યુવાને કેરીયર પસંદગીમાં દીર્ધદ્રષ્ટિ કેળવવી પડે. થોડા ઓછા પગારની પણ એના અનુભવને આધારે ભવિષ્યમાં વધારે લાભ થતો હોય અને કુટુંબ સાથે રહી શકાતું હોય તેવી કેરીયરને પહેલા પસંદ કરવી જોઈએ. કારણ કે તમારી કેરીયરના શરુઆતના થોડા વર્ષો દરમ્યાન જ માબાપને તમારા ટેકાની જરુરીયાત હોય છે, પછી ધીમે ધીમે નવી પરિસ્થિતિથી ટેવાય જશે અને તમે ઘરથી દૂર જઈ શકશો. યુવાનોએ કેરીયરના લાભ-ગેરલાભની ગણત્રીમાં નાણાકીય તેમજ લાગણીના બંધનો બન્નેના આંકડા પણ મુકવા પડશે. કેરીયર માટે દુર જવું જ પડે તો પણ કુટુંબને એવો અહેસાસ કરાવવો પડે કે તે ભલે દુર હોય પણ હંમેશા તેઓની સાથે જ છે. નજરથી દૂર એટલે દીલથી દૂર એવું ન થવું જોઈએ. આ જીવંત સંપર્કમાં થોડો ખર્ચ થશે પણ લેખે લાગ્યો ગણાશે.

નાનપણમાં હાઈસ્કુલ ભણતા ત્યારનો એક પાઠ યાદ આવે છે. ગામડામાં રહેતો પિતા પુત્રને શહેરમાં  ભણવા મોકલે છે, વેકેશનમાં પુત્ર, મિત્રો સાથે ગામડે ફરવા આવવાનો કાર્યક્રમ બનાવે છે. માબાપ અને બહેન, આનંદમાં આવી ભાઈના સ્વાગતની તૈયારી કરે છે, ભાઈને ભાવતી વાનગીઓ બનાવે છે. ભાઈ પધારે છે, ધનિક મિત્રોની સામે ગામડામાં રહેતા માબાપ જુનવાણી દેખાય છે, ડગલેને પગલે ગામડાના ગમારપણાનો અહેસાસ કરાવે છે, બીજા દિવસે મિત્રોને મુકવા સ્ટેશને જાય છે. પાછળ બહેન ભીની આંખે પિતાને કહે છે ‘ભાઈ, બહુ બદલાય ગયો’, પિતા ભારે હૈયે જવાબ આપે છે કે ‘એ તો હવે ગયો’, એ જ સમયે બહારથી ઘોડાગાડીવાળાનો અવાજ આવે છે ‘એ… મુકુંદ ગયો છે’. ભાઈ મિત્રો સાથે ગાડીમાં ગોઠવાય વિદાય થઈ ગયો હતો. આવું ન બને તેનું યુવાનોએ કેરીયર પસંદગી વખતે ધ્યાન રાખવું પડશે.

મારું જીવન બહુ સરળ પસાર થયું છે. કોઈ તકલીફદેય અનુભવ થયો નથી તેથી શું લખવું તે સુજતું નથી. કોઈ મિત્રો કોમેન્ટમાં કે ‘હળવા બનો’ માં  મેઈલ દ્વારા જણાવશે તો જાણવા અને ચર્ચા કરવાનો મોકો પણ મળશે.

મિત્રો ! કેરીયર પસંદ કરો પણ કુટુંબને સાથે રાખીને !

(વોટીંગ કે લીએ હમારી સાઈટ ૩૦ સપ્ટેમ્બર તક ખુલ્લી હે , ઓર SMS કા ખર્ચભી નહી હે, ક્લીક કરે ઓર જી ભરકે વોટીંગ કરે ઓર કરવાયે …! …. )

2 comments on “કુટુંબ કે કેરીયર – ૨

  1. Prof. HITESH JOSHI says:

    I am little bit confused with the 1 para..!
    I believe in “WITHOUT PAIN NO GAIN”
    And also believe in “STAY CONNECTED” according to BSNL Ad. without see M factor.

    Like

આપનું અમુલ્ય મંતવ્ય આપશો ?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s