When all you’ve ever known lost,

મગજભાઈ નિરવની એક પોસ્ટ પર  Life of Pi નું ટ્રેઈલર જોયું. સ્ટીરીયો સાઊન્ડ અને ફોટોગ્રાફીની મજા આવી, પણ સ્ક્રીન પર આવતા વાક્યોમાં કંઈક ખૂંચ્યુ.

‘When all you’ve ever known lost,

Find your courage’

આપણે જીવન કઈ રીતે જીવીએ છીએ ?

જ્યારે બધું ગુમાવી દઈએ ત્યારબાદ ‘અંદર’ ફાંફા મારીએ છીએ ?

પેલી લોભામણી જાહેરાતોના આધારે વસ્તુ લેવા દોડી જઈએ અને પછી સેલ્સમેન, જાહેરખબરના એક ખૂણામાં ઝીણા અક્ષરોમાં છપાયેલા શબ્દો ‘Conditions apply’ ની યાદ અપાવે.

ભીંસ પડે ત્યારે ભગવાન પાસે દોડી જઈને ?

મારા સુરતી મિત્રની જેમ ‘અત્યારે ટાઈમ જ ક્યાં છે ?’ તમારી જેમ નવરા પડશું ત્યારે વિચારશું.

એવું ….. જ … છે.

થાકી-હારી પછી વિચારવા બેસીએ છીએ, ‘સાલું ! ક્યાં માર ખાધો ?’

વૈજ્ઞાનિકો કહી કહીને ઘરડા થઈ ગયા કે ભાઈ ! તમે તમારા મગજની ક્ષમતાનો એકાદ-બે ટકા જ ઉપયોગ કરો છો. એક કાર્ડીયાક સર્જને એવી પણ માહિતી આપી છે કે જીવન દરમ્યાન મનુષ્યને તેની હૃદયની કુલ કેપેસીટીના ૨૦ % ની જ જરુર છે, જ્યારે તમે હૃદયને ૮૦ % ટકા બગાડી નાખો, પછી જ હૃદય તમને બાયપાસની કે એટેકની ફરીયાદ કરે. તો પછી મગજની નકારાત્મકતા દુર કરી સકારાત્મક વિચારોથી અને હૃદયને પ્રેમથી ભરી દેવામાં ક્યાં વાંધો છે ?

યુવાન મિત્રોની મોટી મુશ્કેલી એ છે કે વડીલોએ કહ્યું એટલે જુની પેઢીના વાક્યો અને મેનેજમેન્ટ ગુરુ કહે એટલે બ્રહ્મવાક્ય. આ મિત્રોને રામાયણ વાંચવાની શિખામણ આપીએ તો કહે એ બધું હંબગ છે, મોરારીબાપુની પ્રતિષ્ઠા વધારવાનું સાધનમાત્ર છે, કૃષ્ણની બાળપણની વાતોમાં રસ નથી, ભાગવત કથાકારને સોંપી દીધું છે, પણ એમાંથી ઘણું નવુ મળી શકે તે શોધવાનો પ્રયત્ન કરવાની તત્પરતા દર્શાવવી નથી. એક સાદો દાખલો – કૃષ્ણની બાળલીલામાં, કૃષ્ણ મથુરા દુધ વેચવા જતી ગોપીઓની મટુકીઓ મિત્રોની સાથે મળીને ફોડી નાખતા એવી વાત આવે છે. કૃષ્ણભક્તો તેને બાળલીલા કહી ફકત ગુણગાન ગાશે, પણ એને ગોકુળના દુધનો મથુરામાં થતો ‘એક્સપોર્ટ’ અટકાવવાનો પ્રયત્ન ન કહી શકાય ? (આજે ગામડાઓમાં દુધ મળતું નથી કારણ કે ‘ડેરી’ માં ભરાય છે, લોકશાહી છે ભાઈ !). કૃષ્ણની ગોકુળના બાળકોને પુરતું દુધ મળી રહે એ માટે મટકી ફોડવાની ક્રિયાને એક્સપોર્ટ અટકાવવાની ચાલ તરીકે તર્કબધ્ધ ન કરી શકાય. મિત્રો સાથે લોકોના ઘરમાં ઘુસી જઈને ‘સ્ટોર’ કરેલું માખણ ખાવાની ક્રિયાને ‘વહેચીને ખાવ’ એવો સંદેશ ન ગણી શકાય ? એવું માનતા નહી કે ‘બ્રાહ્મણ’ છું એટલે ‘ગોર મહારાજ’ બની ધર્મગ્રંથોની વકીલાત કરું છૂં, પણ ધર્મગ્રંથોને નવી નજરે જોવાનો પ્રયત્ન કરવાનું સુચન કરું છું. આમ તો તમારી આસપાસના જીવનને પણ ઝીણવટથી  જોવાનો પ્રયત્ન કરશો ધર્મગ્રંથો સુધી જવાની જરુર નહી પડે. ફક્ત મગજની ક્ષમતા તમારી કલ્પના બહારની છે એટલું યાદ રાખી, આસપાસ જે કંઈ બની રહું છે તેનું પ્રોસેસીંગ કરતા રહો, જ્યારે એમ લાગે કે CPU બહુ ગરમ થઈ ગયું છે, ત્યારે ‘વીકએન્ડ’ લઈ કુદરતના ખોળે જતા રહો. જીવનશક્તિ ફરી ભરાય જશે. જેમ વીડીયો ગેમવાળાના હીરો અમુક વસ્તુ ગ્રહણ કરી લે તો ‘એનર્જી લેવલ’ વધી જાય છે તેમ પ્રકૃતિની પાસે જતાં જ તમારું ‘એનર્જી લેવલ’ વધી જશે.

‘Life of Pi’ ના ટ્રેઈલરના અન્ય શબ્દો –

When all you’ve ever known lost,

Find your courage

A Life of adventure

A Life of hope

A Life of friendship

કશું ગુમાવ્યા વગર જીવનમાં શક્તિ, સાહસ, આશા, મિત્રતા મેળવવાનો પ્રયત્ન શું ખોટો ?

જતાં જતાં ગંગાસતી જેવી ગ્રમ્ય નારીના શબ્દો –

મેલી દો અંતરનું માન;

આળસ મેલીને આવો મેદાનમાં …..

અંતરમાંથી જેણે મર્યાદા ત્યાગી રે,

અટકે નહિ જગત વહેવાર રે …

(આજની પોસ્ટ યુવા મિત્રોને સમર્પિત)

3 comments on “When all you’ve ever known lost,

  1. એક સવાલ , જયારે બધું જ ખુબ વ્યવસ્થિત રીતે કર્યું / વિચાર્યું અને જિંદગીમાં મગજ અને હૃદયનો પણ ખુબ અદભુત સંગમ કરી કામ લીધું , પણ અચાનક જયારે ભગવાન રામના કિસ્સામાં { શ્રી રામ માટે વનવાસની માંગણી થતા } છેલ્લી ઘડીએ નસીબે કરવટ બદલી , તેમ જો આપણું બધું ગણિત ઊંધું વળી જાય , તો ત્યારે Life of Pi ની આ વાત સાચી ઠરે કે નહિ ? જેમ કે Life of Pi ના નાયક સાથે થાય છે .

    Like

    • jitu48 says:

      આજે મોરારીબાપુને યાદ કર્યા છે તો તેમની જ એક વાત, તેમણે ‘સફળતા પાછળ ૬૦% પુરુષાર્થ અને ૪૦ % પ્રારબ્ધ હોય છે’ એવું ક્યાંક કહ્યું છે. જો કે હું પ્રારબ્ધના % હજુ પણ ઓછા ગણું છું. સફળતાનો સોફ્ટવેર કોમ્પ્લીકેટૅડ છે એથી એમાં બગ રહેવાની શક્યતા વધારે છે, એના માટે સારા સોફ્ટવેર એન્જીનીયર બનવું પડે. આંતરીક તૈયારી હોય તો જ હિંમત પ્રાપ્ત થઈ શકે એમ હું માનું છું, કોક ફીલ્મમાં જીતની વ્યાખ્યા કંઈક એવી છે કે સામેવાળાને હરાવીને જીત મૅળવવી સહેલું છે, એના કરતાં પડીને લડવા ફરી ઉભા થવું એ વધારે અઘરું છે. (કમનસીબ છે, તારી જેમ ફીલ્મો યાદ નથી રહેતી !) નસીબની કરવટની વાત સાચી છે, પણ તેને ‘અનદેખી’ કરવામાં મજા છે. આવું કંઈક પુછતો રહેજે !

      Like

આપનું અમુલ્ય મંતવ્ય આપશો ?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s