Am I Changing ?

 

વાત મારી છે પણ તમને પણ ક્યાંક લાગુ પડતી હશે, ફ્લેશબેકમાં જજો.

આજે સવારે મોર્નીંગ વોકમાં નીકળ્યો ત્યારે ક્રોસ રોડના ટર્નીંગંમાં એક બાઈકવાળાભાઈ સ્લીપ મારી ગયા. નસીબદાર કે તેઓ આગળા પડ્યા ને બાઈક તેમનાથી આગળ સરકી ગયું. આમ બાઈકના કારણે તો કોઈ ઇજા ન થઈ, પણ રોડ પર ઘસડાવાથી પેન્ટ ફાટી ગયું. હું રોડની સામેની સાઈડ પર હતો. રસ્તો હજુ સુમસામ હતો. ખબર નહીં પણ કેમ હું થોડા ઉતાવણે પગલે, થોડો દોડતો તેમની પાસે પહોંચ્યો. તેઓ સ્વસ્થ જણાતા હતા ફક્ત સાથળમાં માર વાગ્યો હશે આથી ત્યાં હાથેથી દબાવતા હતા. મેં પૂછ્યું ‘બરાબર છે ?’ ‘હા કોઈ વાંધો નથી’ મેં બાઈક ઉભી કરી સાઈડમાં લીધી, તેઓ પણ ઉભા થઈ સાઈડમાં બેઠા. મેં ફરી કન્ફર્મ કર્યું ‘બધું બરાબર છે ? તમારા ઘરે કોઈને ફોન કરવો છે ?’ ‘ના, ના, કોઈ જરુર નથી’. એક બીજા ભાઈ પણ આવી પહોંચ્યાં. હું બધું બરાબર જોઈ આગળ ચાલતો થયો. સાથે સાથે મગજ પણ ચાલવા માંડ્યું. પાંસઠ વર્ષમાં પહેલીવાર હું આવા કોઈ પ્રસંગે એક્સીડન્ટના સ્થળ નજીક ગયો અને તેમાં રસ લીધો.

એવું કેમ બન્યું ?

રસ્તો સુમસામ હતો તેથી અન્ય કોઈ તેમની મદદે આવશે નહીં એવું રીએક્શન હતું ?

પહેલાં કેમ રસ નહોતો લેતો ?

મારે શું ? એમની ભૂલ એ ભોગવશે ? એવું વિચારી જતો ન હતો ?

મારામાં દયાભાવના ઓછી છે ?

આવા તો ઘણા પ્રશ્નોની વણજાર ચાલી.

અચાનક એક ફ્લેશ થઈ. એક્સીડન્ટના કેસમાં પોલીસની માથાકુટ વધારે હોય છે અને પોલીસ જાણે તમે જ એક્સીડન્ટના જવાબદાર હો તેવી રીતે પ્રશ્નો પુછે છે એવી ધારણા મનમાં હતી, તે કારણભુત હોય શકે ? કદાચ આ પૂર્વધારણા કદાચ સાચી હોય એમ લાગ્યું.

પણ આવી પૂર્વધારણા કેમ ઉભી થઈ ?

વધુ ફ્લેશબેકમાં જતાં ૧૯૮૩ના વર્ષમાં મારી ઓફીસમાં થયેલ ચોરીનો પ્રસંગ યાદ આવ્યો. ઓફીસ ઇનચાર્જ હું હતો અને એક રાત્રે ઓફીસનું તાળું તોડી ચોરોએ કબાટનું લોકર તોડી રોકડની ઉઠાંતરી કરી હતી. એક તો સરકારી ઓફીસ અને રોકડના વ્યવહારો થતા નહી એટલે તેઓને પાંચસો-છસોથી વધારે કંઈ મળ્યું નહી. ઓફીસની બીજી ફાઈલોમાંથી તો કંઈ લેવાનું હતું નહીં. મારે તો સરકારી ઓફીસના કારણે પોલીસ ફરીયાદ તો નોંધાવવી જ પડે. ફરીયાદ થઈ, પોલીસ તપાસ થઈ, મારી પણ પુછપરછ થઈ. ‘લોકરમાં પાંચસો રુપિયા હતા એની ખાત્રી શું ? વધારે પણ હોય શકે ? લોકરમાં રાખેલા પૈસા ક્યાંથી આવ્યા હતા ?’ ઇન્સપેક્ટરે પ્રશ્નોની ઝડી વરસાવી. એ કદાચ એમની ફરજના ભાગરુપે તપાસ કરતા હશે, પણ એમની પુછવાની પધ્ધતિ, અવાજ એટલો કરડાકીભર્યો હતો કે મારી પાસે બધા જ પુરાવા-સાબીતીઓ હતી પણ અંદર ગભરાટ થતો હતો. પોલીસકેસમાં તો રુટીન ચાલ્યું અને નિવેડો પણ આવી ગયો, કેસ ફાઈલ થયો. પણ પોલીસની ‘બીક’ મનમાં રહી તે કદાચ જીવનભર પોલીસથી દુર રહેવા કારણભૂત બની, એમ બની શકે.

ઉપરના વહેલી સવારના એક્સીડન્ટના કેસમાં તો પોલીસની શક્યતા તો દેખાતી ન હતી, એટલે મદદ કરવા દોડી ગયો એવું બની શકે ને !

પણ આજે એક ફાયદો થયો – પોલીસના ભયનું મૂળ મળ્યું, આથી હવે આ ભયને દુર કરી શકાશે.

સામાન્ય રીતે તમે ‘ડર’નું કારણ શોધી કાઢો તો ડર દુર થવાની પુરેપુરી શક્યતા છે.

જોઈએ ! મારા કિસ્સામાં શું પરીણામ આવે છે.

તમારો આવો કોઈ અનુભવ યાદ કરી, પરીણામ પ્રાપ્ત થયા હોય તો share કરો, ડર ભગાવવાનો માર્ગ સ્પષ્ટ થશે.

 

3 comments on “Am I Changing ?

  1. bharodiya says:

    હું નાનો હતો ત્યારે અમારી શેરીની છોકરીનેં વિંછી કરડ્યો. એ બેન પિડા ને કારણે એવા વળ ખાય કે જોયુ ન જાય.પણ કોઈ દવાખાને ન લઈ જાય. રિવાજ જ નહોતો. માણસો વધુ મજબૂત હતા કે વિંછી ઓછા ઝેરવાળા હતા ખબર નહી. લોકોએ મને કિધુ કે તારા ઘરે સયકલ હોય તો લઈ આવ. હું સાયકલ લઈ આવ્યો. લાઈટ સાથેનો વાયર ખેંચી બેનને જ્યાં વિંછીનોં ડંખ હતો ત્યાં છેડો અડાડી રાખ્યો. બેનને અર્થિંગ માટે સાયકલ પકડાવી દિધી. એક છોકરો ડાયનેમો પાડી પેડલ મારવા લાગ્યો. નસીબ જોગે અરધા કલાકમાં વિછી ઉતરી ગયો. અમારા આ કારસ્તાનમાં જો બેન ગુજરી ગયા હોત તો શી હાલત થઈ હોત એ અત્યારે યાદ કરું છું ત્યારે ડર તો નહી પણ મજા નથી આવતી. રિવાજ હતો સાયકલ વાળો, પણ એ સાચો હતો કે માણસો જ મજબૂત હતા કાંઈ સમજાતું નથી. અત્યારના વખતમાં તો પોલીસ કેસ થઈ જાય.

    Like

  2. bharodiya says:

    અત્યારના સમયમાં માણસ પોલિસ થી નથી ડરતો પણ પોતે હમેંશા ઉતાવળમાં હોય છે.
    અને આવી ઘટના તો રોજની થઈ ગઈ છે. ભલે પ્રત્યક્ષ ના જોતો હોય પણ સમાચારોં તો જોતો જ હોય છે. કોઇને નવાઈ નથી લાગતી. બધી સંવેદનાઓ જ નિકળી ગઈ છે.

    Like

    • jitu48 says:

      ‘માનવતા મરી પરવારી છે !’ સંવેદનાઓ જીવતી થાય તો માનવતા સજીવન થાય. શું થઈ શકે ?

      Like

આપનું અમુલ્ય મંતવ્ય આપશો ?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s